PSG ka fituar si mysafir i Angers me rezultat 3-0 në kuadër të javës së 33-të në Ligue 1.

Parisienët që mund të shpalleshin kampion nëse Marseille do të dështonte, do ta lënë për javën e ardhshme festën.

Kylian Mbappe hapi ndeshjen në minutën e 28-të me një goditje të bukur pas disa lëvizjeve për 1-0.

Pak pa u mbyllur pjesa e parë, Sergio Ramos arriti të shënojë me kokë për 2-0.

Pas shumë rasteve në pjesën e dytë, erdhi momenti i Marquinhos që shënoi për 3-0 pas asistimit të Angel di Maria.

PSG tani ka 77 pikë, 15 më shumë se Marseille, kur kanë mbetur edhe pesë javë deri në fund.