Psikologia klinike dhe psikoterapeute Atifete Syla ka shprehur shqetësimin e saj lidhur me ndikimin e rrjeteve sociale në shoqërinë kosovare.

Në një postim të fundit në llogarinë e saj në Facebook, ajo thotë se një ndër treguesit e një shoqërie të frustruar dhe të dëshpëruar janë reagimet e shumta në rrjetet sociale, të cilat shpesh janë të mbushura me mllef dhe frustrim.

“Si pasojë e tyre, një ndër format për ta zbrazur këtë mllef dhe frustrim janë reagimet, komentet të cilat kanë përmbajtje vulgare, agresive, fyese dhe denigruese. Për fatin tonë të keq, në këtë mes zë vend edhe shoqëria jonë”, ka shkruar Syla./Insajderi