Çmimet e produkteve në Kosovë po vazhdojnë të rriten. Fillimisht ka qenë pandemia e koronavirusit që ka shkaktuar çrregullime në tregje, e pastaj edhe lufta e Rusisë në Ukrainë.

Çmimet e produkteve bazike janë publikuar në faqen e Agjencisë së Statistikave të Kosovës.

Rritje të çmimet ka pësuar edhe çaji që konsumohet mjaftë shumë në Kosovë. Një javë më parë, çmimi i pakos me 800 gram i çajit të zi (çaj rusi) kushtonte 7.99 euro, kurse tash 10 euro e 06 cent kushton pako me 800 gram çaj në marketet kosovare.

Aktualisht, një kilogram patate kushton 0.69 euro, një kilogram fasule 3.28 euro, 1.50 euro kilogrami i spinaqit, çaji 8.76 euro, ajka 1.48 euro, djathi 6.01 euro, kafeja 6.54 euro e mishi i zogut 7.22 euro.