Hetimet rreth pastrimit të listave për veteranët e Ushtrisë çlirimtare të Kosovës, do të jenë në të drejtën e Zyrës së Prokurorit të Shtetit.

Këshilltari politik i kryeministrit Mustafa, Faton Abdullahu, thotë se është çështje e Prokurorisë të vendosë se si dhe çfarë do të ndërmarrë për këtë çështje.

Kryetari i Këshillit për Mbrojtjen e Veteranëve të UÇK-së, Xhevdet Qeriqi, ka thënë se Qeveria është përgjegjëse për fyerjen e listave dhe se ajo duhet t’i pastrojë ato, njofton Gazeta Tribuna.

Të enjten, kryeprokurori i Shtetit, Aleksander Lumezi, ka kërkuar nga prokuroritë kompetente fillimin e grumbullimit të informatave për nisjen e hetimeve mbi keqpërdorimet e mundshme në listat e veteranëve të UÇK-së. /Insajderi.com