Qendra Kombëtare e Librit dhe Leximit, me seli në Tiranë, hap thirrjen publike për aplikime për botimin e letërsisë për fëmijë.
Thirrja u drejtohet autorëve mbi moshën 18 vjeç në gjininë e prozës dhe poezisë për fëmijë.
Aplikimi kryhet nga një botues i pajisur me licencë përkatëse, nëpërmjet përfaqësuesit ligjor.
Shuma e financimit për mbështetjen e procesit krijues të veprës, do t’i paguhet drejtpërdrejt botuesit.
Aplikimi fillon më datën 01.06.2023 dhe përfundon në datën 20.06.2023, ora 16.00.
Në bazë të VKM-së nr. 24, datë 16.01.2019, “Për krijimin, organizimin dhe funksionimin e Qendrës Kombëtare të Librit dhe Leximit”, paragrafi III, pika a) “QKLL-ja harton programet dhe financon projektet në fushën e librit”, hapet Thirrja “Fondi i Krijimtarisë Letrare për Fëmijë” për vitin 2023. Nëpërmjet këtij fondi, QKLL-ja synon të mbështesë autorët shqiptarë të letërsisë për fëmijë dhe do të vijojë të jetë ndër projektet e saj bazë dhe të përvitshme.
Aplikimet do të dorëzohen në formë të printuar, dorazi ose në rrugë postare, në zyrën e Protokollit të Qendrës Kombëtare të Librit dhe Leximit brenda datës 20.06.2023, ora 16:00, në adresën elektronike: [email protected] dhe atë postare: Rruga “Papa Gjon Pali II”, nr. 1010, Tiranë, Shqipëri.