Qumështorja Vita është pjesëmarrëse në disa prej aktiviteteve kryesore të organizuara për 20 vjetorin e çlirimit të Prishtinës, në kuadër të përgjegjësisë shoqërore korporative.

Këtë të shtunë, Qumështorja Vita ka festuar bashkë me fëmijët e qytetit, 1 Qershorin duke u bashkangjitur në eventin e organizuar nga Komuna e Prishtinës, “Prishtina Feston”. Në një kënd të veçantë e argëtues, fëmijët kanë pasur mundësi të lexojnë libra, marrin qumësht dhe dhurata, si dhe të bëjnë fotografi me maskotat e Vita-s.

Në kuadër të këtyre aktiviteteve Qumështorja Vita, do të merr pjesë edhe në Panairin e Librit, e poashtu do të mbështesë edhe Festivalin e Pianistëve të Rinj, Festivalin e Muzikës për Fëmijë dhe Garën e Robotikës.

Aktivitetet për nder të 20-vjetorit të çlirimit të Prishtinës organizohen nga Komuna e Prishtinës dhe do të vazhdojnë gjatë tërë muajit qershor.

Qumështorja Vita gjithnjë është angazhuar në mbështetjen e aktiviteteve të ndryshme për fëmijë.