Leao ndryshon numrin: nga 17 në 10. Portugezi ka marrë fanellën e liruar nga Brahim Diaz, i cili u rikthye te Real Madridi pas dy vitesh kuqezi.
Ndryshimi është zyrtarizuar nga llogaria e Milanit në Instagram, e cila ka postuar një video në kanalet e saj sociale. Leao, pra, do të ketë numrin 10 dhe për më tepër do të shtojë edhe “Rafa” në fanellë.
Portugezi i bashkohet aradhës së lojtarëve kuqezi me 10-shin në shpinë, të cilët të gjithë kanë qenë të huaj vitet e fundit. Para Brahimit, këtë numër e mbanin edhe Calhanoglu, Honda, Boateng, Seedorf, Rui Costa, Boban dhe Roberto Baggio, ndonjëri qoftë edhe vetëm për një ndeshje.