Kryetari i Prishtinës, Përparim Rama, ka reaguar pas dorëheqjes së ministrit të Mbrojtjes, Armend Mehaj.
Ai ka thënë se me keqardhje e ka pranuar lajmin për dorëheqjen e Mehajt, duke e lavdëruar atë për punën e bërë.
”Një profesionist i rrallë, njeri i vlerave perëndimore me të cilin pata një bashkëpunim të jashtëzakonshëm. Vullneti dhe gatishmëria e Ministrit Mehaj për bashkëpunim përtej politikave partiake, për të mirën e vendit, është shembull për të gjithë. Bashkëpunëtor njëherë, miq përherë”, ka shkruar Rama në Facebook.
E Mehaj ka thënë se po largohet për shkaqe familjare.