Kandidati për president nga Aleanca për Ardhmërinë e Kosovës, Ramush Haradinaj, ka shprehur falënderim ndaj presidentit amerikan Joe Biden, i cili ditën e sotme i ka dërguar një letër presidentit Aleksandër Vuçiç, për njohjen e pavarësisë së Kosovës.

Me anë të një postimi në Facebook, Haradinaj iu ka premtuar te gjithëve në Kosovë, se pas 14 shkurtit, në rast se do bëhet presidenti i Kosovës, kufijtë e Kosovës do t’i dinë të gjithë.

“Falënderime presidentit Joe Biden për qëndrimin e qartë në letrën e dërguar presidentit të Serbisë, për domosdoshmërin  e përmbylljes së dialogut për njohjen resiproke, po ashtu  ju premtoj të gjithëve në Kosovë se pas 14 shkurtit, kur te marr përgjegjësi si president i vendit, kufijtë e vendit kane për ti ditur të gjithë dhe askush ska për ti vënë në pikëpyetje as presidenti Vuçiç,”-ka thënë Haradiaj.