Kryetari i Prishtinës Shpend Ahmeti, ka reaguar pas arrestimit të trajnerit të futbollit Afrim Tovërlanit, i cili dyshohet se kishte shkuar tek shtëpia e tij për ta kanosur.

Ahmeti tha se nuk ka pasur kurrëfarë ballafaqimi fizik me tyre.

“Falemnderit të gjithëve për pyetjet e kujdesin. I pash edhe titujt ne portale. Nuk ka pas kurfarë ballafaqimi fizik e as luftë më thika. Afrimin e njoh moti dhe e kam mik”.

I pari i Prishtinës theksoi se Tovërlani mbrëmë kishte qenë tek shtëpia e tij dhe ai nuk kishte qenë prezent.

“Ka qenë mbrëmë të shtepia kur nuk kam qenë unë dhe e ka thirr vetë policinë e cila me të arritur e ka arrestuar. Nuk ndihem as i kërcënuar e as i rrezikuar nga Afrimi edhe pse vizitat e vona në shtëpi kur nuk jam prezent dhe me fëmijë të mitur prezent nuk janë të mirëseardhura. Mirëpo, nuk ka pas as fjalosje e as ndonjë fjalë të rëndë me fëmijet dhe familjen”.

“Shpresoj që këtë incident Afrimi ta sqaroj e kaloj sa më lehtë me organet e rendit. Duke e pas mik qe një kohë të gjatë nuk besoj që ka pas qëllim të sulmit apo kërcënimit”.