Ndonëse pandemia e COVID-19 ka ndikuar në rënien e shitjeve të të gjitha industrive, Renault ka arritur që gjatë vitit 2020 t’i shet në total 2,949,849 vetura, një rënie prej 21.3%

Por, pavarësisht kësaj, Renault ka bërë të ditur se i ka arritur objektivat e veta në fund të vitit 2020 duke i dyfishuar shitjet në tregun e veturave elektrike në Evropë dhe duke e konfirmuar lidershipin me gjithsej 115,888 vetura elektrike të shitura.

Modeli ZOE nga Renault është vetura më e shitur elektrike, e cila ka pasur një rritje prej 114% me gjithsej 100,657 njësi të shitura.

Vlen të ceket se në vitin 2021, Renault do ta vazhdojë politikën e vet të shitjeve të orientuar në profit duke e implementuar planin strategjik të quajtur “Renaulution”, e i cili do të prezantohet me 14 janar 2021.