Ministri i Jashtëm izraelit akuzoi shefin e Kombeve të Bashkuara, Antonio Guterres se mban anën e Hamasit, pasi ai ndërmori lëvizjen e rrallë duke thirrur nenin 99 të kartës së OKB-së për të nxitur një armëpushim në Gaza në fillim të kësaj jave.

Neni 99 i jep Sekretarit të Përgjithshëm autoritetin që “të sjellë në vëmendje të Këshillit të Sigurimit çdo çështje që sipas mendimit të tij mund të kërcënojë ruajtjen e paqes dhe sigurisë ndërkombëtare”.

 Guterres e bëri këtë të mërkurën kur ia referoi zyrtarisht situatën në Gaza Këshillit të Sigurimit të OKB-së, duke u kërkuar anëtarëve të tij që të shmangnin një katastrofë humanitare në enklavën e rrethuar.

Ministri i Jashtëm izraelit, Eli Cohen tha në një postim në mediat sociale se kërkesa e Guterres “turpëroi” pozicionin e tij dhe ishte një shembull i qëndrimit të njëanshëm të Sekretarit të Përgjithshëm kundër Izraelit.

Është hera e parë që Guterres thërret nenin 99 që kur u bë sekretar i përgjithshëm në vitin 2017, tha një zëdhënës të mërkurën.

Në postim, Cohen shprehu gjithashtu mirënjohjen e tij për Shtetet e Bashkuara pasi përdori veton e saj për të bllokuar projekt-rezolutën e armëpushimit të Gazës në Këshillin e Sigurimit të OKB-së të premten.