Shtëpia botuese prishtinase “Littera” ka ribotuar librin poetik “Kam me ardhë si deka” të poetes së njohur, Donika Dabishevci.
Ky është botimi i dytë i këtij libri me vlerë letrare, që vjen si kërkesë e shumë lexuesve dhe dashamirësve të poezisë së poetes Dabishevci.
Donika Dabishevci ka botuar librat: ‘Krizantema të plasura’ (1996), “Imazhe të brishta” (2004), “Proza e poetizuar – F.Konica, M. Frashëri, E. Koliqi, M. Camaj, M. Hanxhari” (2015), “Kam me ardhë si deka” (2015), dhe “Dashnisë së nji nate” (2020).
Me poezitë e saj është prezantuar në festivale vendore dhe ndërkombëtare, ndërsa me punimet e saj shkencore në një numër të madh konferencash e seminaresh që kanë të bëjnë me fushën e Albanologjisë dhe Medias.
Poezitë e saj janë përkthyer në gjuhën angleze, gjermane, frënge, turke, suedeze, rumune, bullgare, maqedone, serbe, etj.
Në vitin 2017 libri i saj me poezi është përkthyer në gjuhën italiane me titull ““La tua robinja” Romë” nga shtëpia botuese “Ensemble”, me seli në Romë.