Tiktokeri i njohur “FireFire” që ndodhet në burg në Francë, është shpallur sot në kërkim nga Policia e Kosovës.

“FireFire”, është i njohur për publikun me videot e tij live në Tik-tok, ku kishte treguar për jetesën e tij në burgun e Francës. Ai madje në një video kishte treguar se si e kishin zënë me telefon gardianët atje dhe ishte dënuar për ketë.

Por, tiktokerit problematik, sot i është vënë pas edhe Policia e Kosovës.

Policia në Pejë ka kërkuar ndihmë për identifikimin dhe arrestimin e tij të dyshuar për “Shtytja në kryerjen e veprës penale degradimi i integritetit seksual”.

Policia ka kërkuar nga qytetarët që kushdo që ka informacion për vendndodhjen e personit të dyshuar në foton e bashkangjitur, të lajmërojë Policinë e Kosovës apo të lajmërohet në stacionin më të afërt policor.

Kjo kërkesë e policisë për gjetjen e “FireFire” nxiti të qeshura në publik. Ata i rikujtuan policisë se personi që po kërkohet ndodhet në burg, jashtë vendit.

“Me nxjerr prej burgut e mi shti në burg a“, ishte një nga kometet.