Këngëtarja shqiptare me famë botërore, Rita Ora, ka marrë çmimin “Renowned Achiever Award” nga revista “Migrant Woman”

Çmimi “Renowned Achiever Award” jepet për dikë që nuk është lindur në Britaninë e Madhe por që ka arritur famë në fushën e vetë, është shembull në vendin e saj të lindjes dhe ka ndikim artistik tek të tjerët si qytetar i respektuar britanik.

Çmimin për të e ka pranuar ambasadori i Kosovës në Britani të Madhe, Lirim Greiçevci i cili edhe ka komunikuar këtë lajm.

“Isha i nderuar që mu ofrua mundësia ta pranoj çmimin “Renowned Achiever Award” në emër të superyllit Rita Ora, e cila nuk mund të ishte vetë e pranishme, e ndarë nga revista e njohur “Migrant Ëoman”, gjatë konferencës së saj vjetore në Londër. Çmimi prestigjioz ishte votuar me shumicë dërmuese nga publiku, në mesin e konkurrenteve të tjera të shquara si Amal Alamuddin”, ka njoftuar ambasadori përmes Facebook-ut.

Rita Ora është lindur në Kosovë ndërsa ka arritur famë në Britani të Madhe dhe në botë.

“Rita ka frymëzuar aq shumë të rinj, ka prekur aq shumë zemra dhe ka ndryshuar aq shumë jetëra. Prandaj edhe krenohemi të gjithë me të”, ka thënë ambasadori./Insajderi.com