Policia e Kosovës ka dhënë detaje mbi një rrahje masive që ka ndodhur mes disa të rinjve në stacionin e autobusëve në Ferizaj.

Për rastin tre persona janë shoqëruar në polici, dy si të dyshuar dhe një dëshmitar.

Këtë për Insajderin e ka konfirmuar zëdhënësi i policisë, Kanun Veseli.

“Policia e stacionit në Ferizaj ka pranuar një informatë për një përleshje fizike mes disa personave që ka ndodhur tek stacioni i autobusëve në rrugën ” Ahmet Kaçiku” në Ferizaj. Deri më tani janë shoqëruar tre persona në polici, dy prej tyre si të dyshimtë dhe një dëshmitar“, tha ai.

Ai shtoi se hetuesit policorë janë duke punuar intensivisht në identifikimin edhe të personave tjerë në rastin e përleshjes fizike tek stacionit i autobusëve.

“Janë siguruar videoinçizime dhe janë duke u përpunuar të dhënat. Për informata tjera do të njoftoheni me kohë”, tha Veseli.