Policia kroate përdori armë gjatë përleshjes me qindra tifozë të Hajduk Splitit, aty ku dy tifozë dhe rreth një duzinë policë u plagosën.

Përleshja ndodhi kur një kolonë autobusësh po transportonte tifozët e Hajduk Splitit nën shoqërimin e policisë pasi skuadra humbi ndeshjen ndaj rivalit të ligës Dinamo Zagreb. Autobusët ndaluan dhe një grup tifozësh u kthyen kundër oficerëve, raporton Policia.

Tifozët e Hajdukut kanë bllokuar autostradën dhe kanë injoruar urdhrat e policisë për t’u shpërndarë, thuhet në deklaratë. Policia më pas përdori municion dhe mjete të tjera për të zmbrapsur tifozët.

Më poshtë pamjet nga përleshja:

Deri tani dihet se asnjë nga të plagosurit, përfshirë oficerët e policisë, nuk është në gjendje të rrezikshme për jetën.

Sipas portalit Index, rreth 2000 tifozë të Hajdukut që udhëtuan drejt kryeqytetit të Kroacisë për ndeshjen me Dinamon, aty ku nuk morën pjesë sepse policia nuk i lejonte të sillnin pankartat e tyre. Dinamo, e cila tashmë kishte fituar titullin e ligës, mposhti Hajdukun e vendit të dytë me rezultat 3-1 të shtunën.

/Insajderi.org