Policia e Kosovës ka njoftuar se një person është arrestuar në Ferizaj nën dyshimet se ka rrëmbyer një grua në Fushë Kosovë.

I dyshuari, sipas Policisë, ka dërguar 19 vjeçaren në një pikë karburanti në Ferizaj, ku edhe e kanë gjetur policia.

Tutje, Policia ka njoftuar se në bashkëpunim me policët e stacionit në Fushë Kosovës, i dyshuari dhe viktima janë dërguar për procedura të intervistimit dhe hetimit atje, ngaqë rasti i dyshuar për rrëmbim me forcë dyshohet se ka ndodhur në këtë komunë.