Një aksident ka ndodhur në Rixhevë të Klinës pasditen e së dielës.
Lexues të Gazetës Insajderi kanë dërguar pamje në adresë të mediumit, ku shihet një veturë e rrokullisur si pasojë e aksidentit.
Këta lexues kanë bërë të ditur për Insajderin se nga aksidenti janë lënduar dy persona.
Lajmin për Insajderin e ka konfirmuar zëdhënësi i Policisë për rajonin e Pejës, Driton Rugova.
“Vetaksidenti ka ndodhur rreth orës 13:00. Të lënduar janë dërguar për trajtim mjekësor. Me rastin po merren hetuesit e trafikut rajonal”, ka thënë ai. /Insajderi.org/