Policia e Kosovës ka apeluar te vozitësit që të kenë kujdes të shtuar gjatë ngasjes së veturave.

Kjo pasi, sipas policisë, rrugët mund të jenë me ngrica shkaku i motit të ligë që ka mbizotëruar sot dhe pritet të mbizotërojë gjatë javës në Kosovë.

“Pas paralajmërimit se këtë javë gjatë natës dhe në orët e hershme të mëngjesit do të mbizotëroj mot me temperatura të ulëta (reshje të shiut, në lokacione të ndryshme mundësi për reshje bore, rrjedhje të ujit në rrugë e po ashtu edhe dëmtim i asfaltit dhe krijim i gropave), kërkohet nga SHOFERËT që të shtohet kujdesi gjatë qarkullimit në rrugë, ku me rënien e temperaturave krijohen ngrica që rrezikojnë seriozisht pjesëmarrësit në trafik”, thuhet ndër të tjera.