×
  • Lajme
  • Botë
  • Lajme / Botë

    Rusia mohon se ka ndërtuar kamp ushtarak në Palmirën antike

    Insajderi
    18 May 2016 - 08:22
    Klikoni Këtu për t'u bërë pjesë e kanalit të Insajderit në Youtube.

    Rusia e ka mohuar se ka ndërtuar një bazë ushtarake brenda një zone të qytetit antik të Palmirës në Siri, që është edhe nën mbrojtjen e UNESCO-s.

    Ushtria ruse e ka përshkruar kampin si të “përkohshëm”, duke thënë se janë vetëm disa njësi shtëpiake që po përdoren nga ekspertët e deminimit, të cilët po merren me largimin e minave që janë vendosur aty nga militantët e Shtetit Islamik.

    Ushtria ruse tha se qeveria e Sirisë ka dhënë leje për ndërtimin e kampit, i cili përfshin një spital dhe furrë, të cilat përdoren edhe nga banorët lokalë.

    Kryetari i departamentit sirian për antikitete, i cili tha se gjërat antike me vlerë të qytetit janë më të sigurta duke iu falenderuar pranisë ruse, i tha Associated Press se ai nuk do të jepte leje për ndërtimin e atij kampi rus aty, po të pyetej ai.

    Një zyrtar i UNESCO-s tha se është ende e paqartë nëse kampi është i vendosur në një zonë neutrale të lokacionit arkeologjik, por tha se ai nuk paraqet rrezik për zonën historike.

    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark