Rusia raportoi një rekord tjetër ditor të rasteve të konfirmuara të koronavirusit.

Rreth 37,930 raste të reja të konfirmuara në 24 orë, numri më i lartë që nga fillimi i pandemisë. U raportuan gjithashtu 1,069 vdekje nga COVID-19.

Presidenti rus Vladimir Putin ka urdhëruar rusët që të mos shkojnë në punë ndërmjet 30 tetorit dhe 7 nëntorit, kur vendi do të mbyllet. Gjatë kësaj kohe, shumica e organizatave shtetërore dhe bizneseve private, me përjashtim të atyre që operojnë infrastrukturën kryesore dhe disa të tjera, do të ndalojnë punën.

Në disa nga 85 rajonet e Rusisë ku situata është veçanërisht e rëndë, Putin tha se kjo mbyllje mund të fillojë më herët dhe të zgjatet përtej 7 nëntorit./Insajderi.org/