Kandidati i Lidhjes Demokratike të Kosovës, për kryetar të Junikut, Ruzhdi Shehu, ka falënderuar votuesit e mërgatës për besimin që ia ka dhënë.

“Faleminderit shumë. Ju jam mirënjohës gjithë jetën. Padyshim që besimin tuaj do e përkthej me punë dhe rezultate konkrete për të mirën e Junikut”, ka thënë Shehu.

Pas përfundimit të numërimit të votave me postë, rezulton se kandidati i LDK-së, për kryetar të Junikut, Ruzhdi Shehu, është votuar më së shumti nga mërgata e kësaj komune, ku ka marrë 446 vota gjithsej.