Komisioni Qendror i Zgjedhjeve është duke mbajtur mbledhjen ku do të vendoset përfundimisht nëse do të lejohet kandidimi i personave të dënuar në tri vitet e fundit me vendim të formës së prerë, shkruan Insajderi.

Zyrja ligjore e KQZ-ës, ka bërë një rekomandim, ku lejohet kandidimi i të gjithë kandidatëve nga subjektet politike, pavarësisht vendimit të Gjykatës Kushtetuese, e cila ndalon kandidimi për deputet të gjithë personave që kanë dënim të formës së prerë në tri vitet e fundit.

Lidhur me këtë, është shprehur edhe anëtari i Lëvizjes Vetëvendosje, Sami Kurteshi, i cili u shpreh se e mirëpret një vendim të tillë, dhe se për këtë ky vendim është i drejtë.

“Për mua ky vendim është i drejtë” – u shpreh ai.

“Jemi për ti ndjekur hapat e plotë dhe mjetet ligjore për ti shqyrtuar çështjet të cilat na duken të kundërligjishme” – vijoi ai.

“Çdo komunikim, çdo dokument brenda KQZ-së, është dokument publik dhe të gjithë opinioni duhet të ketë qasje në të” – përfundoi ai.