Vushtrria ka kaluar në finale të play- ofit për inkuadrim në Superligën e Kosovës.

Pas triumfit, për Art Sport ka folur trajneri i Vushtrrisë, Samuel Nikaj, i cili e kishte ngritur ekipin e Vushtrrisë në Superligën e Kosovës.

Samuel Nikaj mes lotësh, i emocionuar theksoi edhe një herë se çfarë lidhjesh të forta ka me klubin e Vushtrrisë.

“Jam shumë i lidhur me Vushtrrinë, edhe lojën tjetër duhet me dhanë zemrën. E kam dashtë Vushtrrinë, është vendi im dhe qyteti im pas Shkodrës” – tha Nikaj.

Vushtrria do të luajë me vendin e tetë që vjen nga Superliga e Kosovës, e që do të mësohet të dielën në xhiron e fundit.

Inkuadrimin direkt në Superligën e Kosovës në futboll nga Liga e Parë e kanë siguruar Trepça ’89 dhe Ferizaj.

/Insajderi.org