Dogana e Kosovës në pikë kalimin kufitar të Dheu i Bardhë, ka kapur një sasi të konsiderueshme të pajisjeve kirurgjike.

“Gjatë kontrollës së detajuar, është zbuluar një sasi e konsiderueshme e pajisjeve kirurgjike, e cila, përpos qëllimit të kontrabandimit, po transportoheshin në kushte jo të përshtatshme dhe jo sterile, duke shkelur rregullat dhe standardet e kërkuara për mallrat e këtij lloji”.

Tutje thuhet se mallrat e gjetura janë sekuestruar.

“Mallrat e gjetura janë sekuestruar menjëherë dhe është nisur procedura kundërvajtëse ndaj palës së përfshirë”, thuhet në njoftimin e doganës.