Ministri i Drejtësisë në detyrë dhe kandidati për deputetë nga radhët e Aleancës për Ardhmërinë e Kosovës, Selim Selimi, është nderuar nga Lidhja e Historianëve “Ali Hadri” – dega Deçan, me me titullin “Krenaria e Kombit”, me motivacion për kontributin e dhënë në sensibilizimin e çështjes së shqiptarëve të Kosovës Lindore.

Lajmin e ka bërë të ditur Selimi përmes një postimi në llogarinë personale në Facebook.

“Jashtëzakonisht i nderuar me vlerësimin që më është bërë sot nga Lidhja e Historianëve “Ali Hadri” – dega Deçan. Prof.Dr. Shkodran Imeraj bashkë me prof. Afrim Balaj dhe z.Ismet Haskaj, që janë udhëheqës të kësaj organizate, më nderuan me titullin “Krenaria e Kombit”, me motivacion për kontributin e dhënë në sensibilizimin e çështjes së shqiptarëve të Kosovës Lindore. Puna e këtyre historianëve duhet të ngritët në piedestal sidomos për hapjen e debatit për mbrojtjen e vlerave kombëtare” – shkroi ai. /Insajderi.org/