Kandidati për deputet nga AAK, Selim Selimi ka takur sot Shefin e Eulex-it, Ambasadorin Lars Gunnar-Wigemark, ekspertët e këtij misioni dhe përfaqësuesin e z. Lajçak në Kosovë.

Temë e këtij takimi ishte se si të forcohet funksionaliteti i sistemit të drejtësisë në Veri.

Sipas Selimi, Kosova ka përmbushur detyrimet e saj tashmë po presim nga bashkësia ndërkombëtare mbështetje për të kapërcyer pengesat e mbetura.

“Takim me Shefin e Eulex-it, Ambasadorin Lars Gunnar-Wigemark, ekspertët e këtij misioni dhe përfaqësuesin e z. Lajçak në Kosovë, për të diskutuar se si të forcohet funksionaliteti i sistemit të drejtësisë në Veri. Ngecjet në implementimin e plotë të Marrëveshjes për Drejtësi kanë shkaktuar joefikasitet të Prokurorisë dhe Gjyqësorit në Veri. Kosova ka përmbushur detyrimet e saj, por presim nga bashkësia ndërkombëtare mbështetje të mëtejme për të kapërcyer pengesat e mbetura”, ka shkruar Selimi./Insajderi.org