Përfaqësuesja e Kosovës e ka nisur vitin 2022 me fitore të jashtëzakonshme kundër Burkino Faso me rezultat 5:0, në miqësoren që u zhvillua sonte në stadiumin “Fadil Vokrri”, raporton Insajderi.

Pas ndeshjes, sulmuesi Astrit Selmani është shprehur shumë  lumtur që ka shënuar golin e parë pas pesë ndeshjeve me Kosovën.

“Ndjenjë shumë e mirë, si ëndërr. Normalisht që është mirë me shënu para trajnerit të ri. Besoj se është një konkurrencë e madhe, me Vedatin është një lojtar i mirë. Jam këtu me ndihmu ekipin edhe me dhanë sa më shumë gola”, deklaroi ai, transmeton Insajderi.

Kosova ndeshjen e radhës e zhvillon të martën më 29 mars, kundër kombëtares së Zvicrës në Zurich. 

Edhe kjo ndeshje do të jetë e karakterit miqësor. /insajderi.org/