Protestuesit serbë në Leposaviq kanë dërguar një dhi para objektit të komunës, ku në trup i kanë shkruar mbiemrin e Kryetarit Lulzim Hetemi.

Ekipi i televizionit T7, po qëndron atje prej ku kanë dërguar pamje, ku shihet se dhisë i është vendosur edhe një vello dhe disa lule.

Dhinë e kanë lidhur te pjesa ku janë vendosur telat gjemborë, pak metra nga vendi ku po qëndrojnë pjesëtarët e KFOR’it.

Ndryshe, Hetemi nuk ka dalë nga objekti i komunës që nga e hëna. Në një prononcim për media, Hetemi ka treguar se akoma nuk e ka ndarë mendjen se edhe sa gjatë do të qëndrojë brenda hapësirave të ndërtesës së Komunës.