Superylli kolumbian i muzikës pop bëri një hyrje dramatike në Javën e Modës në Paris të mërkurën, duke marrë pjesë në shfaqjen e modës Viktor & Rolf Haute Couture e veshur me një pallto të bardhë të zbukuruar me një fjalë të vetme me shkronja gjigante tredimensionale: “JO”.

Shumë fansa dyshuan se Shakira po i dërgonte një mesazh ish të dashurit të saj, Gerard Pique, me të cilin ka dy djem.

Këngëtarja e “She Wolf”, 46 vjeçare dhe ish-futbollisti spanjoll, 36 vjeç, u ndanë në qershor 2022 pas më shumë se një dekade së bashku mes thashethemeve për tradhti.

Dhe ndarja e tyre e hidhur është bërë kryefjalë që atëherë ; në janar, një burim na tha se Shakira ishte ‘shkatërruar’ kur mësoi se Pique dyshohej se kishte pasur një lidhje me të dashurën e tij të re, Clara Chia Marti , ‘për shumë më gjatë nga sa e imagjinonte’ dhe duke kaluar kohë së bashku ‘në shtëpinë me të cilën e ndante më fëmijët e tyre”.

Ajo së fundmi ka treguar se Pique e tradhtoi gjatë kohës që babai i saj ishte në spital.

Të tjerë menduan se veshja e sipërme që bën deklarata mund të jetë mënyra e Shakiras për të konfirmuar se në fakt ajo nuk është në lidhje me pilotin e F1, Lewis Hamilton.

Të njëjtit janë parë bashkë disa herë, duke qëndruar në një varë në Miami dhe duke shijuar darkë në Barcelonë.

Këngëtarja e “Whenever, Wherever” ka qenë gjithashtu në lidhje me Tom Cruise.