Emisari i Britanisë së Madhe për Ballkanin Perëndimor, Stuart Peach ka folur për dialogun në mes të Kosovës dhe Serbisë.

Ai ka thënë se Britania e Madhe e përkrah këtë proces, dhe i njëjti duhet të shkojë drejt krijimit të një të ardhmje multietnike.

Sipas tij, procesi i dialogut do të duhej të dukej si Marrëveshja e Belfastit apo që njihet ndryshe si “Marrëveshja e të Premtes së Mirë”.

“Dhe ky është një mësim i mirë për pajtim. Bëhet fjalë për lëshime, ka të bëjë me negociata, por mbi të gjitha ka të bëjë me vazhdimin e dialogut”, ka thënë Peach teksa ka shpjeguar Marrëveshjen e Belfastit.