Ballkani ka kaluar në epërsi në ndeshjen finale të Kupës së Kosovës në futboll.

Therandasit e shënuan golin e epërsisë ndaj Prishtinës me anë të sulmuesit Walid Hamidi, në ndeshjen që po zhvillohet në stadiumin “Rexhep Rexhepi” në Drenas.

Hamidi e mori një top të mirë nga Edvin Kuç për të shënuar në minutën e 21-të.

Ekipi nga Suhareka po e kërkon trofeun e parë të Kupës së Kosovës në histori të tij, kurse prishtinasit të nëntin, i cili njëherësh do t’ua siguronte edhe pjesëmarrjen në garat evropiane.