×
  • Sport
  • Sport

    Sherri me Karim Benzema-n i kushton shtrenjtë trajnerit portugez! Shkarkohet nga skuadra arabe, Al Ittihad

    Insajderi
    08 November 2023 - 18:39

    Pas merkatos përrallore dhe fillimit të suksesshëm të sezonit, kriza e Al Ittihad ka çuar në shkarkimin e Nuno Espirito Santo.

    Trajneri portugez u lirua nga detyra pas humbjes 2-0 në Champions League e Azisë në shtëpi ndaj skuadrës irakiane Al Quwa Al Jawiya.

    Rezultatet negative të periudhës së fundit e kanë çuar klubin Jeddah në vendin e gjashtë në kampionat, dymbëdhjetë pikë prapa kryesuesve të Al Hilal.

    Një nga arsyet e këtij shkarkimi duket se ka qenë edhe sherri që trajneri ka pasur me Karim Benzema, lojtari i transferuar në Arabi me kosto zero nga Real-i verën e kaluar.

    Marrëdhënia mes trajnerit dhe ish-fituesit të Topit të Artë nuk kishte qenë kurrë idilike, por përplasja vendimtare ndodhi në pjesën e parë të ndeshjes së Champions League.

    Trajneri po qortonte skuadrën në dhomat e zhveshjes dhe toni do të kishte bërë që Benzema të ngrihej dhe të përgjigjej.

    Diskutimi u ndez para të gjithë ekipit dhe situata u bë e paqëndrueshme.

    Mbrëmjen e djeshme vendimi ka ardhur nga klubi i Jeddah, i cili përmes një komunikate për shtyp ka lajmëruar shkarkimin e Espirito Santos.

    Klikoni Këtu për t'u bërë pjesë e kanalit zyrtar të Gazetës Insajderi në Viber.
    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark