Ditëve të fundit ka një zhvillim të ndjeshëm të aktiviteteve kulturore dhe artistike në qytezën e Shtimes, që është një nga komunat më të vogla në Republikën e Kosovës.

Njëri nga aktivitetet e tilla që i jep ngjyrë dhe gjallëri kësaj qyteze të vogla është edhe inskenimi para publikut shtimjan i shfaqjes teatrore “Kërkohet një bashkëshort i ri”, me regji të Gëzim Hasanit.

Në këtë shfaqje rolet e tyre i interpretuan aktorët profesionistë Butrint Lumi, Arbnorë Nuha dhe Brahim Basha.

Njoftimin për këtë shfaqje e ka dhënë kryetari i Komunës së Shtimes, z. Qemajl Aliu.

Njoftimi i plotë:

Me publikun e interesuar e të argëtuar pa masë, mbrëmë ndoqëm shfaqjen “Kërkohet bashkëshort i ri”.

Me regji të Gëzim Hasanit, aktori i njohur Butrint Lumi bashkë me kolegët e tij Arbnorë Nuha dhe Brahim Basha i dhuruan kënaqësi audiencës gjatë tërë kohës sa u luajt kjo shfaqje interesante.

Me këtë ngjarje mbrëmë u mbyll dita e parë e “Ditët e Bashkatdhetarëve” me plot të qeshura dhe sot na presin aktivitetet që fillojnë qysh nga ora 15:30 dhe e mbyllim me koncertin e Vedat Ademit bashkë me performancën e Suada Abazit e rock-grupit Zwada në ora 20:00. Mirë u pafshim