Qendra Rajonale për Trashëgimi Kulturore (QRTK) ka përfunduar projektin e restaurimit të ndërtesës së Kazermës së vjetër “Ish Internatit”.
Kazerma e vjetër gjendet në pjesën jugore të qytetit, jashtë Qendrës Historike të Prizrenit. Është ndërtuar në kuadër të sarajit të Mahmud Pashës në pjesën e parë të shekullit XIX.
Është ndërtesë që përbëhet prej bodrumit, katit përdhesë dhe prej katit të parë
Edhe një hap shumë i rëndësishëm drejt ruajtjes dhe promovimit të pasurisë sonë kulturore.
Përgjegjësi i QRTK-së në Prizren, z. Samir Hoxha, ka theksuar se është i lumtur ta ndaj me publikun këtë lajm të mirë për Prizrenin dhe trashëgiminë e tij kulturore. Sipas tij, ky projekt për restaurim është edhe një hap shumë i rëndësishëm drejt ruajtjes dhe promovimit të pasurisë sonë kulturore.