×
  • Lajme
  • Lajme

    Shtohen masat për të parandaluar vjedhjet e veturave BMW e Audi

    Insajderi
    18 May 2016 - 10:24
    Klikoni Këtu për t'u bërë pjesë e kanalit të Insajderit në Youtube.

    Policia e Kosovës ka kërkuar nga qytetarët që të kenë kujdes në zgjedhjen e vendve për parkimin e veturave të tyre duke alarmuar kështu për vjedhje të shpeshta të tyre.

    Policia kërkon kujdes të shtuar sidomos pronarëve të makinave të markës BMË dhe Audi (Audi A5 dhe Audi A6).

    Siç njoftohet nga policia, bazuar në vlerësimet analitike në fushën e parandalimit, në kuadër të Drejtorisë Rajonale të Policisë në Mitrovicë, është shtuar vigjilencë dhe angazhim në parandalimin e dëmtimeve dhe vjedhjeve të veturave.

    Ky angazhim rezulton si domosdoshmëri e rrethanave kohore, duke pasur parasysh se Policia ka identifikuar dhe ka ndërmarrë masat e veprimit të hershëm, në kuadër të planit operativ ‘Sezoni veror’, ku cak i kësaj dukurie të dëmtimit apo vjedhjeve mund të jenë veturat e shtrenjta të llojit: Audi A5/A6 dhe BMË X5, kryesisht me targa të vendeve tjera, pa përjashtuar edhe ato me targa vendore.

    “Analizuar rastet e viteve të mëparshme ka rezultuar se metodat të cilat ishin evidente që kryheshin nga kryesit e këtyre veprave deri më tani rezulton të jenë: dëmtimi i dorezave të dyerve të automjeteve, thyerja e xhamave, kopjimi i çelësave, ndërhyrja në sistem elektronik mbrojtës të veturave, bllokimi i alarmeve”, thuhet në njoftim.

    Me qëllim të parandalimit të dëmtimit dhe vjedhjes së veturave apelojmë tek qytetarët, drejtuesit e veturave, që të kenë kujdes se ku dhe në cilat zona t’i parkojnë veturat, kryesisht gjatë orëve të  mbrëmjes dhe natës, po ashtu të kenë parasysh zonat ku nuk ka ndriçim, si dhe t’u rikujtohet drejtuesve që parkimi i veturave të bëhet në mënyrë të sigurt, përfshirë mbylljen dhe çelësimin e tyre.

     

    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark