Ylli brazilian i Manchester United, Antony ka rrëfyer momentet e vështira të fëmijërisë që i ka kaluar në vendlindjen e tij, Brazil.

Antony në një intervistë për Sky Sport ka folur për ëndërrën e tij për të luajtur në Angli dhe të kaluarën e tij të vështirë në rrugët e Sao Paulos.

“Unë isha një djalë i vogël modest nga favela.Unë nuk kisha dhomën time të gjumit, flija në divan. Ne jetonim në qendër të favelës. Njëzet metra larg shtëpisë sime kishte gjithmonë tregtarë droge.Ndonjëherë shikoje një lojë të dielën dhe shtëpia vinte erë marihuanë. Kishte momente kur unë dhe vëllai im, motra ime qanim dhe përqafonim njëri-tjetrin, duke menduar për jetën tonë. Kishte raste kur merrnim ujë nga një shtëpi e përmbytur në mes të natës, por gjithsesi e bënim atë me një buzëqeshje në fytyrat tona”, deklaroi ylli brazilian.

Antony u bë lojtari më i shtrenjtë i  kampionatit holandez “Eredivisie” pasi Manchester United shpenzoi 100 milionë euro për ta blerë atë nga Ajax. /Insajderi/