Pak më parë u raportua se Franca ka kushtëzuar çështjen e liberalizimit të vizave për Kosovën me funksionalizimin e sistemit për siguri në Evropë, ETIAS, çështje të cilën sot, grupi punues për vizat i Këshillit të Bashkimit Evropian, e diskutoi për herë të parë.

Në lidhje me këtë,ka reaguar Kati Schneeberger, këshilltarja lokale e Bashkimit Evropian, e cila ka thënë se, gjithmonë po dalin arsyetime të reja për vazhduar diskriminimin ndaj Kosovës në drejtim të liberalizimit të vizave.

Ajo po ashtu ka thënë se kjo çështje nuk duhet të vazhdojë kështu.

Always new excuses to keep up the discrimination against Kosovo in terms of visa liberalization. This time it is #ETIAS that will be linked to Kosovo’s visa liberalization. This must not go on like this.

Sign here: https://t.co/sRACQwlbue NOW !!!#visa4Kosovo

— Kati Schneeberger 🇪🇺 (@KatiSchneeberg1) October 13, 2022

“Gjithmonë arsyetime të reja për të vazhduar diskriminimin ndaj Kosovës në drejtim të liberalizimit të vizave. Këtë herë është ETIAS që do të lidhet me liberalizimin e vizave të Kosovës. Kjo nuk duhet të vazhdojë kështu”, ka thënë Schneeberger në Twitter.

Ndërsa, gazetarja nga Brukseli, Gjeraqina Tuhina, ka komentuar mbledhjen e sotme të Grupit Punues për vizat pas raportimeve se Franca kishte kushtëzuar procesin e liberalizimit të vizave për Kosovën.

“Asnjë shtet nuk ka kundërshtuar liberalizimin e vizave. Franca nuk ka kushtëzuar liberalizimin e vizave. Të paktën jo sot. Ajo ka shprehur disa kërkesa, por nëse do të insistojë në disa kërkesa, atëherë mund edhe të stagnojë procedura… Atmosfera ishte shumë pozitive” – u shpreh gazetarja nga Brukseli.