Trajneri i Austrisë, Franco Foda, ka mbështetur sulmuesin Marko Arnautovic pas fyrjes raciste që i bëri mbrojtësit shqiptar të Maqedonisë së Veriut, Ezgjan Alioskit, raporton Insporti.

Arnautovic, i cili shau Alioskin duke përdorur baza etnike, është dënuar nga UEFA me një ndeshje mos-lojë.

Por, trajneri i Austrisë, Franco Foda, ka shprehur mbështetje për sulmuesin 32 vjeçar, duke thënë se ai ishte provokuar.

“Ai ishte provokuar nga lojtarët e Maqedonisë së Veriut ndaj reagoi ashtu. Ne e mbështesim atë, natyrisht. Ai ka bërë shumë për Austrinë dhe do të kthehet të luajë në ndeshjen ndaj Ukraines” – deklaroi ai.

Babai i Arnautovic është serb, teksa Ezgjan Alioski është shqiptar që përfaqëson Maqedoninë e Veriut.

Kujtojmë që UEFA dënoi Arnautovic me një ndeshje mos-lojë, teksa ai rrezikonte një dënim prej 10 ndeshjeve./Insporti.com/