Ndotja e ajrit në SHBA nga tymi i zjarreve në Kanada është më e keqja në histori. Sipas raportit, tymi nga zjarret në Kanada bëri që amerikanët të vuanin ditën e tyre më të keqe të ekspozimit ndaj ndotjes së tillë që nga fillimi i të dhënave në 2006.

“Është ndotja më e keqe deri tani,” tha Marshall Burke, një shkencëtar për mjedisin në Universitetin Stanford që udhëhoqi raportin.

“Nuk kemi parë kurrë ngjarje të tilla, madje as afër, në bregun lindor. Kjo është një ngjarje historike”.

Studiuesit e Stanford vlerësuan se një amerikan ishte i ekspozuar ndaj 27.5 mikrogramëve për metër kub të grimcave të vogla të bartura në retë e tymit. Këto njolla të vogla blozë, pluhuri dhe mbeturinash të tjera, të njohura si PM2.5, shkojnë thellë në mushkëri kur thithen dhe mund të shkaktojnë një sërë problemesh, edhe vdekjen.

Ky nivel ndotjeje tejkalon një ngjarje, e cila ndodhi në shtator 2020 në Bregun Perëndimor të SHBA-së pas një viti rekord zjarresh në shtetet perëndimore. Shumë njujorkezë qëndruan brenda në vend që të dilnin jashtë.

Studimi i Stanford analizon nivelet e tymit nga zjarret dhe mat ekspozimin mesatar për të gjithë amerikanët që nga viti 2006. Por Burke tha se rritja e popullsisë dhe ashpërsia e zjarreve, për shkak të krizës klimatike, do të thotë se më shumë njerëz nuk kanë gjasa të kenë qenë të ekspozuar ndaj tymit toksik të zjarrit në të kaluarën sesa të mërkurën.