Kandidati për deputet nga Nisma Socialdemokrate, Skënder Reçica, e ka vizituar sot njërën nga kompanitë më të mëdha në Kosovë në fushën e shërbimeve, e cila ofron shërbime për kompani me renome në Zvicër, Gjermani dhe vende të tjera evropiane.

“SPEEEX është një kompani model e suksesit me  rreth 1200 të punësuar. Përgëzova z. Fikret Murati dhe stafin e tij për punën dhe mundësinë e punësimit që janë duke u ofruar të rinjve tanë. Puna dhe përkushtimi i tyre ka bërë që edhe në kohë pandemie të rrisin numrin  e të punësuarve për rreth 500”, ka shkruar Reçica.

“Ne si shtet duhet të ofrojmë kushte më të favorshme për biznese të tilla dhe të krijojmë lehtësira në zhvillimin e tyre”.

“Do të angazhohem si gjithmonë, që të rinjët të kenë të ardhme të sigurtë në vendin tone”.