Pas përfundimit të garave të rregullta në Superligë, tani është koha për ajkën e basketbollit kosovar.

Sot fillon “Play-off-i” i Superligës së Kosovës në basketboll, ku ndeshja hapëse do të zhvillohet në Therandë, raporton KosovaPress.

Kampioni aktual i Kosovës, Ylli do të përballet sonte me KB Vëllaznimin me fillim nga ora 20:00 në palestrën e sporteve “13 Qershori”.

Fillimisht do të zhvillohen përballjet në kuadër të çerekfinales, ndërsa më pas gjysmëfinalet dhe finalet.

Skuadra që regjistron e para dy fitore, e siguron biletën drejt gjysmëfinales.

Çerekfinalet e Play-off-it

E mërkurë

20:00 Golden Eagle Ylli – Vëllaznimi

E enjte

20:30 Trepça – Bashkimi