Sot varroset e ndjera Liridona Murseli, që mbeti e vrarë të mërkurën në mbrëmje në rrugën “Dalip Alishiqi” në Prishtinë.

Sipas njoftimit të familjes së saj, e ndjera do të varroset në orën 14:00 në varrezat e fshatit Cërmjan.

“Me dhimbje të thellë njoftojmë të afërmit, miqtë dhe dashamirët se datë 29.11.2023 ndërroi jetë tragjikisht në moshën 30 vjeçare vajza, bashkëshortja, nëna dhe motra jonë e dashur. Varrimi i të ndjerës bëhet ditën e premte me datë 01.11.2023 në ora 14:00 në varrezat e fshatit Cërmjan”, thuhet në njoftim.

Sipas raportit 24 orësh të Policisë, viktima ka qenë në veturë me bashkëshortin dhe dy fëmijët, kur një person i panjohur i armatosur i ka ndaluar dhe ua ka kërkuar të gjitha gjërat me vlerë dhe pastaj ka qëlluar me armë zjarri.

Viktima është nënë e dy fëmijëve.