Ish-portieri i Lazios, Thomas Strakosha, është duke kaluar testet mjekësore përpara një transferimi te skuadra e Ligës Premier, Brentford, sipas raportimeve në Itali.

Numri 1 i Shqipërisë është lojtar i lirë pasi lidhja e tij shtatëvjeçare me Biancocelestët përfundoi në verë.

Dhe Sky Sport Italia shkruan se ai është duke kaluar testet mjekësore përpara një lëvizjeje në Brentford.

Javët e fundit, Strakosha ishte lidhur me skuadrat e Ligës Premier si, Fulham dhe madje edhe me Manchester United.

Strakosha ditë më parë deklaroi ekskluzivisht për Insajderin se gjatë kësaj jave do të kuptohet klubi i ri i tij.

27-vjeçari u vendos si portieri i parë i Lazios në vitin 2016, kur u kthye pas një huazimi me Salernitana.

Një nga pikat kryesore të Strakoshës te Lazio ishte pritja e penalltisë në minutën e 97-të nga Paulo Dybala për të siguruar që skuadra e tij të mundte Juventusin 2-1 në Allianz Stadium në 2017.

Në total, ai bëri 208 paraqitje dhe fitoi dy herë Kupën e Italisë. /telegrafi/