×
  • Lajme
  • Botë
  • Lajme / Botë

    “Sulm i turpshëm”, Osmani reagon pas atentatit ndaj kryeministrit të Sllovakisë

    Insajderi
    15 May 2024 - 16:42
    Klikoni Këtu për t'u bërë pjesë e kanalit të Insajderit në Youtube.

    Kryeministri i Sllovakisë Robert Fico është plagosur të mërkurën nga një person i cili shkrepi katër plumba në drejtim të tij afër Shtëpisë së Kulturës në Qytetin Handlova të Sllovakisë.

    Për këtë sulm ka reaguar edhe presidentja e Kosovës, Vjosa Osmani, e cila i uroi shërim të shpejtë Ficos.

    “I uroj kryeministrit sllovak Robert Fico një shërim të shpejtë pas sulmit të turpshëm të sotëm. Ne i dënojmë fuqishëm këto akte dhune që kërcënojnë vlerat europiane”, ka shkruar ajo.

    Një zyrtar nga partia Smer e Ficos konfirmoi për Guardian se kryeministri u qëllua në bark dhe tani është duke u operuar.
    Për këtë sulm kanë reaguar edhe liderët europianë.

    Kancelari Olaf Scholz ka shkruar se ky sulm është një “atentat frikacak” ndaj Ficos.

    “Lajmi për atentatin frikacak ndaj kryeministrit sllovak Fico më tronditi shumë. Dhuna nuk duhet të ketë vend në politikën euopiane. Gjatë këtyre orëve mendimet e mia janë me Robert Fico, të afërmit dhe qytetarët e Sllovakisë”, ka shkruar Scholz në X.

    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark