Një person është futur i armatosur në një lokal nate në Norvegji dhe ka hapur zjarr tek të pranishmit, duke lënë të paktën dy të vdekur dhe 14 persona të tjerë të plagosur.

Ngjarja ka ndodhur pak pas mesnate në një klub nate në Oslo të frekuentuar nga homoseksualët, ku po zhvillohet Oslo Pride.

“Dukej si një skenë lufte, kishte shumë njerëz me lëndime në kokë”, tha një dëshmitar i ngjarjes. “Vrasësi ishte shumë i vendosur, veçanërisht ku të synonte. Kur e kuptova se ishte serioze, ika. Ishte një burrë i gjakosur i shtrirë në tokë”, shtoi një grua.

Shkaqet që çuan autorin të kryejë këtë masakër janë ende të paqarta.