Në oborrin e diskotekës të premten ku ka kënduar reperi i njohur, Mozzik, është hedhur një granatë dore dhe ka pasur gjuajte me armë zjarri. Gazeta Insajderi ka mësuar se i dyshuari që gjuajti me armë është Lorent Cana. Ai është djali i psikiatrit të njohur Afrim Cana.

Pas mesnatës para një ditë ishte ndërpre koncerti i reperit Mozzik në Gjilan, pasi dikush dyshohej se dikush ka hedhur granatë dore para lokalit ku ka kënduar.

Gazeta Insajderi ka mësuar përmes burimeve se i arrestuari është Lorent Cana nga Gjilani. Ai është djali i psikiatrit të njohur Afrim Cana.

Afërsinë e tyre e vërtetojnë edhe fotot e publikuara në ‘Instagramin’ e Lorent Canës së bashku me babain e tij.

Insajderi ka provuar të kontaktojë me këtë të fundit por nuk ka qenë i qasshëm

Në shtëpinë e të dyshuarit, njësitet policore kanë kryer bastisje, ku kanë gjetur e sekuestruar: tri armë gjuetie, një pistoletë dhe 16- copë fishekë cal-9×19 mm, në pronësi të prindit të të dyshuarit, ndërsa është konfiskuar edhe një pistoletë e tipit TT, e cila dyshohet të jetë përdorur në rast.

I dyshuari është arrestuar dhe pas intervistimit, me urdhër të prokurorit është dërguar në mbajtje. 

Njësitë policore kanë pranuar informacionin  se në oborrin e një diskoteke ka të shtëna me armë zjarri. Sipas dy ankuesve-punëtor sigurimi në diskotekë, një person i moshës rreth 20 vjeçare ishte afruar afër hyrjes se diskotekës dhe kishte shtënë me armë zjarri ne drejtim të ankuesve, gjithashtu i dyshuari kishte hedhur edhe një granatë dore e cila nuk ka shpërthyer. Nga të shtënat me armë zjarri është dëmtuar një automjet i cili ishte i parkuar  ndërsa të lënduar nuk ka. Njësiti për deminim i policisë ka asgjësuar granatën e dorës pa ndonjë incident. Në koordinim me Prokurorinë Themelore në Gjilan, njësitet policore gjatë bastisjes në shtëpinë e të dyshuarit  kosovar kanë gjetur e sekuestruar: tri armë gjuetie, një pistoletë dhe 16- copë fishekë cal-9×19 mm, në pronësi të prindit të dyshuarit, ndërsa është konfiskuar edhe një pistoletë e tipit TT, e cila dyshohet të jetë përdorur në rast. I dyshuari është arrestuar dhe pas intervistimit, me urdhër të prokurorit është dërguar në mbajtje.”