Ish-ministri i Drejtësisë njëhrësh edhe kandidati për deputet për deputet nga radhët e PDK-së, Abelard Tahiri, ka thënë se viti i kaluar ishte më i rëndi për sistemin e drejtësisë.

Tahiri fajin ia ka drejtuar dy qeverive të mëparshme, Qeverisë Hoti dhe Kurti.

“Vit i rëndë dhe degradues për sundimin e ligjit. Kemi pas dy qeveri të cilat shkurtuan buxhetin për Këshillin prokurorial e gjyqësor, pra kemi pas një degradim të madh të sistemit drejtësisë”, ka thënë ai në një debat.

Tutje, ai tha se nuk ka pasë angazhim që të punohet në sistemin e drejtësisë.

“Nuk ka pas angazhim të mirëfilltë as të Qeverisë Hoti dhe as Qeverisë Kurti”, u shpreh ai.