Ilir Kërçeli, shefi i kabinetit të Glauk Konjufca, ka reaguar për takimin që po zhvillohet ndërmjet Albin Kurtit dhe Aleksandar Vuçiq në Ohër.

“Serbia kthehet nga Ohëri, destruktive si gjithmonë. Veç kësaj radhe do e marrë edhe koston e merituar”, ka shkruar ai, transmeton Gazeta Insajderi.

“Nuk ka asociacion i cili shkel Kushtetutën e cenon integritetin dhe sovranitetin e Republikës së Kosovës”.

Ndryshe, pas një pauze të shkurtër, takimi mes kryeministrit të Kosovës, Albin Kurti, dhe presidentit të Serbisë, Aleksandar Vuçiq, po vazhdon.

Më herët kishte informacione për përfundimin e takimit – pak minuta para orës 17:00 – por bëhej fjalë vetëm për një pauzë të shkurtër.

Dy udhëheqësit po takohen me ndërmjetësimin e zyrtarëve të BE-së për të diskutuar zbatimin e një plani evropian për normalizimin e marrëdhënieve.